Feira da Rubia Galega, Adai, 12 de xuño.
PROGRAMA XXXIV CONCURSO- XCV SUBASTA NACIONAL DA RAZA RUBIA GALEGA.
Recinto feiral de Adai, o Corgo- xuño de 2021.
- Xoves, día 10
8.30-14.30: Entrada dos animais da subasta.
- Venres, día 11
8.30.14.30: Entrada dos animais de concurso e exposición.
12:00: Supervisión e valoración dos animais da subasta polos inspectores de raza, director técnico do certame e equipo técnico de ACRUGA.
16:00: Supervisión e valoración dos animais de concurso polo xurado de calificación, titulados na “Escola de Xuices da Raza Rubia Galega”
- Sábado, día 12
10:00: Apertura para a solicitude de tarxetas de subasta.
10:00: Exposición no redil e colocación de escarapelas aos animais premiados.
10:30: Exposición dos trofeos.
11:30. Entrega de diplomas do curso de inseminación artificial.
12:00: Entrega de premios con autoridades asistentes.
12:30: Comenzo da subasta de machos e femias.
Axuda a compra de Caixa Rural 200€ femia 300€ macho.
Prohibidas as queimas agrícolas e forestais dende o sábado 29 de maio.
A xunta suspende os permisos de queimas polas condicións metereolóxicas, evaluando os indicadores que marcan o risco de incendios e as dificultades que se produzcan para controlalo en caso de producirse. Tamén quedasn suspendidos os permisos que foran concedidos con anterioridade para estas labores, de xeito que dende as 00:00 horas do sábado as comunicacións e autorizacións de queima carecerán de permiso ata novo aviso.
Dende a Consellería de Medio Rural destacan que a partir do sábado e ata nova comunicación non se permitirá o uso de lume para ningunha actividade agrícola ou forestal particular.
Recórdase tamén que o cidadán ten a súa disposición o teléfono gratuito 085 ao que chamar en caso de detectar algún incendio forestal.
O CONCELLO DO CORGO PRESENTA AS BASES PARA A RECOLLA DA SUA TRADICIÓN ORAL
A área municipal de cultura presenta as bases da proposta para a recolla da Literatura Popular de Tradición Oral do Concello do Corgo. O texto, elaborado polo antropólogo Lois Ladra, foi incluído no último número da revista Lvcensia, presentado onte na Aula Magna do Seminario Diocesano de Lugo. O acto público foi realizado con aforo limitado e seguindo estrictos protocolos sanitarios. O documento, que servirá de referente para a salvagarda do noso Patrimonio Cultural Inmaterial, leva por título: “O Proxecto CORGORAL. Unha proposta para a recolla da Literatura Popular de Tradición Oral no concello do Corgo” e xa se pode descargar na páxina web do concello. Aproveitamos para lembrar a todas aquelas persoas interesadas en recibir esta publicación e que queiran colaborar coa iniciativa cultural poden poñerse en contacto connosco no teléfono 676-862-924, ou no correo electrónico proxecto.corgoral@gmail.com.
Por outra banda, ao longo dos vindeiros días será dado a coñecer púbicamente o resultado do Concurso de debuxo escolar para a escolla do logotipo do Proxecto CORGORAL, realizado entre os escolares do ensino primario do CEIP Plurilingüe do Corgo.
BASES PARA A SELECCIÓN DE DOUS PEÓNS DE APOIO AO TRACTOR – BRIGADAS DE INCENDIOS.
Publicación no Bop de Lugo número 115 das bases que rexerán o procedemento de seleccion de persoal laboral temporal e creación de bolsa de emprego ao abeiro do convenio de colaboración coa Consellería de Medio Rural, para a realización de tratamenntos preventivos en vías e camiños de titularidade municipal con tractor, e actuación de Brigadas de prevención e defensa contra incendios.
Bases para o procedemento de selección e creación dunha bolsa de emprego para UN PEÓN- PROGRAMA FOMENTO DO EMPREGO 2020. PLAN ÚNICO.
Publicación no Boletín Oficial da Provincia de Lugo número 115 as bases para o procedemento de selección de persoal laboral temporal e formación dunha bolsa de emprego para UN PEÓN, que contratará o Concello do Corgo ao abeiro do Plan único de Cooperación cos concellos 2020, para a execución de obras, servizos e creación de emprego; programa FOMENTO DO EMPREGO.
BASES PARA A SELECCIÓN DUN PEON- PLAN UNICO DE COOPERACIÓN 2020.
O CONCELLO DO CORGO CELEBRA O DÍA DAS LETRAS CON UNHA EDICIÓN ESPECIAL
Con motivo da celebración do Día das Letras Galegas, a área municipal de cultura publica, en colaboración coa Biblioteca do Seminario Diocesano de Lugo e coa revista Lvcensia, un documento histórico, coas bases programáticas do actual proceso de salvagarda do noso Patrimonio Cultural Inmaterial: “O Proxecto CORGORAL. Unha proposta para a recolla da Literatura Popular de Tradición Oral no concello do Corgo”. Esta publicación será distribuída gratuitamente entre os membros da comunidade escolar corguesa e tamén estará dispoñible en formato PDF para a súa descarga directa na nosa páxina web a partir do mércores 26 de maio. Todas aquelas persoas e institucións interesadas en recibir esta publicación e que queiran colaborar coa iniciativa cultural poden poñerse en contacto co Proxecto CORGORAL no teléfono 676-862-924, ou no correo electrónico proxecto.corgoral@gmail.com.
Por outra banda, ao longo da Semana das Letras Galegas será dado a coñecer o nome do alumno ou alumna do CEIP Plurilingüe do Corgo gañador ou gañadora do concurso de diseño do logotipo oficial do proxecto e procederase á entrega de agasallos a todos os escolares que participaron coa achega de diferentes propostas.
Lista de admitidos no Punto de Atención á Infancia para o curso 2021/22
Publicación da listaxe de admitidos para o curso escolar 2021-2022 no Punto de Atención á Infancia do Corgo.
Lista de admitidos no Punto de Atención á Infancia para o curso 2021/22.