• LUNS DÍA 12 de FEBREIRO
• PAVILLÓN MUNICIPAL DO CORGO.
• FESTA DE ENTROIDO PARA TÓDALAS IDADES, DE 16:30 A 20:00 H.

XOGOS, COLCHONETAS, MÚSICA E MOITA FESTA!

DESFILE DE DISFRACES CON VALES DE PREMIOS POR CATEGORIAS AOS MÁIS ORIXINAIS E CREATIVOS.

INSCRICIÓNS PARA O DESFILE A PARTIR DAS 16:30 H. NO PAVILLÓN.

18:00 H. DESFILE POR CATEGORÍAS:

Os disfraces poderán ser individuais ou en grupo. As idades sinaladas son para as categorias dos  premios, pero o desfie está aberto a calquera idade.

• De 3/6 anos,
• De 7/10 anos
• De  11/14 anos.
• Comparsa (mais de 5 participantes)

Os disfraces poderán ser individuais ou en grupo. As idades sinaladas son para as categorias dos  premios, pero o desfie está aberto a calquera idade.

Haberá  lambetadas e  chocolate con churros de balde para os disfrazados.

         Ven a divertirte!!

Publicación no Dog das axudas para a obtención do carné de conducir.

Importe das axudas:

400 € para o carné B, 650 e para o Carné C e 1.300 € para o carné D

Requisitos das persoas mozas no momento de presentar a solicitude:

– Ter feitos os 18 anos , sen prexuízo da idade mínima para a obtención dos permisos de clase C e D, e non ter feitos os 31.

– Estar empadroadas na Comunidade Autónoma de Galicia cunha antigüidade mínima dun ano.

– Non estar traballando por conta propia nin allea.

– Ter aprobado o/os permiso/s de conducir para o/os cales se solicita esta axuda con data de expedición entre o 1 de xaneiro de 2023 e a data de presentación da solicitude.

Prazo e forma de presentación:

As solicitudes poden presentarse desde o día seguinte ao da publicación da orde no DOG ata o día 30 de setembro de 2024, salvo que se produza con anterioridade o esgotamento do crédito dispoñible.

As solicitudes presentaranse obrigatoriamente por medios electrónicos (Chave 365, DNI electrónico ou calquera dos mecanismos de identificación e sinatura admitidos pola sede electrónica da Xunta de Galicia) a través da sede electrónica da Xunta de Galicia, https://sede.xunta.gal.

Documentación que debe presentarse coa solicitude:

– Autorización temporal para conducir expedida pola Dirección Xeral de Tráfico, no caso de que a persoa solicitante teña aprobado o/s carné/s obxecto da solicitude pero o documento aínda non fose expedido.

– O/s certificado/s de empadroamento histórico que acredite/n a antigüidade mínima esixida, no caso de que a última variación padroal sexa inferior a 1 ano.

Enlace ao Dog https://www.xunta.gal/dog/Publicados/2024/20240123/AnuncioG0657-030124-0001_gl.html

Tralo inicio do servicio da Telefonía móvil de nova xeración 4G e 5G, poderían porducirse afectacións na recepciónda televisión dixital terrestre (TDT).

Co fin de solucionar estas afectacións e garantir que a posta en servicio das estacións base de telefonía móvil non afecte á TDT, a entidade LLEGA 700 leva a cabo actuacións técnicas necesarias nas instalacións de recepción dos usuarios da TDT. Estas actuacións son de caracter gratuito para os afectados, e o prazo para solicitar as actuacións en caso de afectación para os usuarios da TDT é de seis meses dende a posta en servicio das estacións de telefonía móvil, plo que se informa que o dia 31 de xaneiro do 2024 finaliza o prazo para solicitar as actuacións gratuitas polas posibles afectacións ocasionadas polos nodos de 4G e 5G.

Para calquera dúbida pódese chamar ao teléfono gratuito da Oficina Técnica de Concellos do Llega 700: 9008310902. Para atender no centro de atención ao usuario o número de teléfono gratuito é 900833999

CABALGATA DE REIS DO CONCELLO DO CORGO 2024. VENRES 5 DE XANEIRO

AS SÚAS MAXESTADES DE ORIENTE SAIRÁN DENDE O CENTRO SOCIOCULTURAL DO CORGO A PARTIR DAS CATRO DA TARDE, TRALA VISITA AOS USUARIOS/AS DO  CENTRO DE DIA MUNICIPAL.

VIRÁN A CABALO ATA O COLEXIO PLURILINGÜE DO CORGO ONDE OS ESPERARÁ A ASOCIACIÓN CULTURAL LEGUA DEREITA E TÓDOLOS NENOS, NENAS E MAIORES QUE QUEIRADES ACHEGARVOS.

OS/AS  NENOS/AS INSCRITOS NO CENTRO SOCIOCULTURAL ANTES DO DIA 5  ( 982302377 OU 620731543) RECIBIRÁN   AGASALLOS  .

REPARTO DE CARAMELOS, CHOCOLATE E ROSCÓN DE REIS PARA TODOS OS ASISTENTES.

AGARDÁMOSVOS.!!!

ORGANIZA CONCELLO DO CORGO.

COLABORA: ASOCIACION CULTURAL LEGUA DEREITA, NAIS DO COMEDOR ESCOLAR.

1.- CAMPAMENTO DE NADAL. PROGRAMA DE CONCILIACIÓN DA VIDA FAMILIAR E LABORAL NO PERIODO NON LECTIVO DE NADAL.

– INSCRICIÓNS ATA O DÍA 22 DE DECEMBRO. INSCRICIÓN E MÁIS INFORMACIÓN NO CENTRO SOCIOCULTURAL DO CORGO. TLF. 982302377.

-NÚMERO DE PRAZAS: MÁXIMO 20 NEN@S.

-DESTINATARIOS: NEN@S DE 3 A 12 ANOS.

-DATAS E HORARIO: DENDE O MARTES  DÍA 26  DE DECEMBRO ATA  O DÍA 5 DE XANEIRO. DE 9:00 H. A 15:00 HORAS, NO CENTRO SOCIOCULTURAL DO CORGO.

-ACTIVIDADE GRATUITA.

2.- SESIÓN DE TEATRO COA OBRA: “ PALABRAS”,POLA COMPAÑÍA BAOBAB TEATRO.  O MÉRCORES DÍA 27 DE DECEMBRO ÁS 13:00 HORAS NO CENTRO SOCIOCULTURAL.

ACTIVIDADE GRATUITA DIRIXIDA AO PÚBLICO INFANTIL.

NADAL EN REDE. SECRETARÍA DE POLÍTICA LINGÜÍSTICA.

3.– XORNADA  EN XUVENLUGO.- COMO NAS ANTERIORES EDICIÓNS O CONCELLO DO CORGO  ORGANIZA UNHA XORNADA NO PAZO DE FEIRAS DE LUGO O  MÉRCORES DÍA 3 DE XANEIRO DE 16:30 HORAS A 20:30 HORAS.

-INSCRICIÓNS E MÁIS INFORMACIÓN NO 982302377 OU 620731543.

– OS NEN@S DEBERÁN DE IR ACOMPAÑADOS DUN RESPONSABLE.

-PREZO: 2,5 €.

4.-SESIÓN DE MAXIA POLO MAGO PACO.  XOVES DÍA 4 DE XANEIRO ÁS 12:30 HORAS NO CENTRO SOCIOCULTURAL.

ACTIVIDADE GRATUITA DIRIXIDA A PÚBLICO INFANTIL.

5.– CABALGATA DE REIS.  VENRES DÍA 5 DE XANEIRO. A PARTIR DAS 16:00 DA TARDE NO  COLEXIO PÚBLICO DO CORGO.

REPARTO DE AGASALLOS, CHOCOLATE E ROSCÓN DE REIS.

 INSCRICIONS E MÁIS INFORMACIÓN NO 982302377 OU 620731543.

Grazas ao Proxecto CORGORAL, todas as persoas que visiten o PALCO – Punto de Atención á Lectura do Corgo e a Casa das Asociacións do Corgo poderán gozar dunha senlleira escolma fotográfica da exposición Paisaxes humanizadas – Terras vividas. Trátase dun total de dez imaxes a cores de gran formato, todas elas da autoría de Luís Hixinio Flores Rivas, que teñen como fío condutor a presenza da auga no territorio lucense. Esta escolma fotográfica, cedida polo Museo do Pobo Galego ao Concello do Corgo, consolídase a partir de agora como significativa e destacada exposición permanente nas devanditas dependencias, sempre baixo custodia responsable da edilidade corguesa. Un novo patrimonio para a comunidade!

O Punto de Atención á Lectura do Corgo acolleu o pasado sábado 16 a cerimonia de
entrega dos premios correspondentes ao certame literario Terras de Chamoso, que vén sendo
convocado todos os anos pola Asociación Cultural Arumes. O acto foi conducido por Mario
Outeiro e a entrega de galardóns contou coa presenza dos membros do xurado e de varios
personaxes destacados, como a actriz corguesa Benedicta Sánchez ou o escritor Manuel
Vázquez. O público asistente foi agasallado con tres pezas da Legua Dereita e coa actuación
musical dos Zanfoneiros da Tradescola lucense.

O Punto de Atención á Lectura do Corgo acolle este venres 15 de Decembro a partir
das 19:30h a presentación do último libro de Alberte Momán, titulado Raro. Trátase dunha
obra de carácter narrativo, publicada pola editorial Belagua, que agacha nas súas máis de
duascentas páxinas numerosas sorpresas. Con esta actividade, o Proxecto CORGORAL fomenta
un novo encontro literario entre o escritor ferrolán e os seus lectores. Xa o sabedes:
agardamos por vós este venres, a partir das 19:30h no PALCO.

O Punto de Atención á Lectura do Corgo acolle este xoves 14 de Decembro a reunión menual do Club de Lectura do PALCO. Trátase do terceiro encontro literario entre un escritor e os seus lectores, e esta organizado no marco do Proxecto CORGORAL, co propósito de fomentar a convivencia cultural entre a veciñanza das Terras de Chamoso.

A obra seleccionada nesta ocasión é a biografía do debuxante e ilustrador Hugo Pratt, creador do lendario personaxe do Corto Maltés. Baixo o subtítulo O desexo de ser inútil: lembranzas e reflexions, o entrevistador Dominique Petifaux conseguiu elaborar un completísimo retrato dun dos maiores creadores de banda deseñada de tódolos tempos. Profusamente ilustrada con numerososo debuxos e fotografías persoais, esta obra contará, entre outros, cos comentarios críticos e as análises da filóloga Ánxela Gracián e do profesor Xosé Manuel Castro Castedo, ambos con fondas raíces na freguesía corguesa de Queizán.

Agardamos por vós a partir das 19 h no PALCO.