Vostede está aquí: Inicio Concello Actualidade Novas

ORIXE E SIGNIFICADO DOS NOMES DE LUGAR DO CONCELLO DO CORGO Novas

Un aspecto destacado do Patrimonio Cultural Inmaterial corgués é o de todo aquilo que se refire á nosa lingua propia ou vernácula. E dentro das expresións lingüísticas, o estudo dos nomes de lugar ou topónimos ocupa un lugar senlleiro. Por todo isto, o Concello do Corgo, a través do Proxecto CORGORAL, ten a ben celebrar o Día de Galicia deste ano 2021 coa publicación dun traballo clásico de referencia e de especial interese: a “Toponimia do concello do Corgo”, da autoría do esgrevio investigador Nicandro Ares Vázquez (1926-2017).

Nesta obra poderemos coñecer cales son as orixes e os significados dos topónimos corgueses que aparecen recollidos no Nomenclátor oficial da Xunta de Galicia, vixente desde o ano 2000. Nomes tan aparentemente difíciles de entender, como poden ser Abragán, Bergazo, Chamoso ou Laxosa teñen nestas páxinas a súa cumprida e pertinente explicación etimolóxica.
Desde o Proxecto CORGORAL ofrecémosvos esta significativa achega para podermos coñecer mellor o noso concello, a nosa cultura e o noso patrimonio inmaterial. Todas as persoas interesadas neste traballo podedes descargar de balde o PDF na páxina web municipal, solicitar a versión impresa enviando un correo a Este enderezo de correo está a ser protexido dos robots de correo lixo. Precisa activar o JavaScript para velo. ou poñéndovos directamente en contacto connosco no teléfono 676-862-924. Moitas grazas.

pdf Orixe e significado dos nomes de lugar do concello do Corgo (9.90 MB)

Ler máis ...

Desde hai pouco mais de unha semana, a páxina web oficial do Concello do Corgo, a través do Proxecto CORGORAL, ten aberto unha nova sección titulada “Memoria do Corgo”, coa seguinte ligazón de referencia para todas as persoas que nos queiran coñecer ou visitar virtualmente: https://www.concellodocorgo.com/index.php/corgoral.html

Neste apartado estamos a subir numerosos contidos relacionados co noso termo municipal e coas nosas parroquias, aldeas e lugares. Aínda estamos en fase de probas e certamente temos que mellorar moitas cousas, pero o que nos move é a ilusión por ofrecervos en diversos formatos imaxes, textos e gravacións en audio e vídeo que sirvan de base para conformar pouco a pouco un futuro milladoiro de lembranzas corguesas. Aquí atoparedes textos, fotos, cantigas, documentais, libros, revistas, xornais, mapas... Como dicía Castelao: “Non lle poñades chatas á obra namentres non se remata. O que pense que vai mal, que traballe nela: hai sitio para todos”.

Trátase, coma sempre, dun proxecto público, aberto e colaborativo, no que agradecemos todas as vosas achegas, ideas e opinións. Podedes enviar o que vos pareza interesante a Este enderezo de correo está a ser protexido dos robots de correo lixo. Precisa activar o JavaScript para velo. ou poñervos directamente en contacto connosco no teléfono 676-862-924. Moitas grazas.

Ler máis ...

Programación cultural Cultura no Camiño 2021 no  CORGO Novas

 

 

 Os XOVES DA CULTURA NO CORGO: Espectáculos de teatro cómico, maxia, novo circo  e música .

Actuacións:

- OS  MONIFACES NO CAMIÑO. DIA 29 DE XULLO ÁS 12.30  NA ÁREA RECREATIVA DO CORGO, EN FRONTE AO COLEXIO.

-O MAGO ANTON " VOLTA A GALICIA EN 313 CONCELLOS". XOVES, DÍA 5 DE AGOSTO. DIVERSAS FUNCIÓNS . Á MAÑÁ NO COLEXIO DO CORGO E Á  TARDE NA PRAIA FLUVIAL RÍO CHAMOSO.

-IKIGAI. ESPECTÁCULO DE NOVO CIRCO DA COMPAÑÍA SUMA.  XOVES  DÍA 12 DE AGOSTO ÁS 12.30 NA ÁREA RECREATVIA EN FRONTE AO COLEXIO DO CORGO.

-SAAABOR!!.- ESPECTÁCULO DE TEATRO CÓMICO. XOVES DÍA 19 DE AGOSTO ÁS 12.30 NA ÁREA RECRETIVA DO CORGO.

ENTRADAS DE BALDE. TÓDOLOS PÚBLICOS.

CONSULTA A PROGRAMACIÓN  :  pdf Programación cultural Cultura no Camiño 2021 no CORGO (618 KB)

Ler máis ...

Páxina 1 de 119

Barrio da Portela, S/N 27163
O Corgo - Lugo (Galicia)
Teléfono: 982 302 100
Fax: 982 302 068  
concello.ocorgo@eidolocal.es

Conéctate