Vostede está aquí: Inicio Concello Actualidade Novas

Axudas para a obtención do  permiso de conducir para mozos/as inscritos no SISTEMA NACIONAL DE GARANTIA XUVENIL. Novas

O 13 de agosto publícase no DOG a ORDE do 3 de agosto de 2021 pola que se establecen as bases reguladoras das axudas para facilitar a obtención dos permisos de condución clases B e C á mocidade galega, dirixidas ás persoas inscritas no Sistema nacional de garantía xuvenil no ámbito da Comunidade Autónoma de Galicia con cargo ao Programa operativo de emprego xuvenil, e se procede á súa convocatoria para o ano 2021 (código de procedemento BS321A).

Esta orde ten por obxecto establecer as bases reguladoras que rexerán as axudas para a obtención dos permisos de condución clases B e C, por parte das persoas mozas residentes en Galicia. Son axudas de concorrencia non competitiva, polo que ao esgotarse o crédito orzamentario publicarase no DOG e na web de xuventude.xunta.es e xa non se admitirán máis solicitudes.

O importe da axuda será de 400 euros para a obtención do permiso clase B e de 650 para o permiso clase C. Ditos importes poderán acumularse no caso de que a persoa solicite a axuda para ambos permisos.

Os requisitos esixidos son:

-Ter feitos os 18 anos e non esceder a idade establecida no Sistema Nacional de Garantía Xuvenil.

-Estar inscritos no Sistema de Garantía Xuvenil como beneficiario no ámbito da Comunidade Autónoma de Galicia. (https://garantiajuvenil.sepe.es/login.action?request_locale=gl)

-Estar matriculado nunha autoescola da Comunidade Autónoma de Galicia  con anterioridade á solicitude da axuda, ou en caso de obter o permiso, con data de expedición entre o 1 de xaneiro do 2021 e a da realización da solicitude.

-Estar empadroado en calqurera concello de Galicia cunha antigüidade mínima dun ano.

O prazo de solicitude é dun mes dende o día seguinte ao da publicación da Orde no DOG.

O pago da axuda producirase unha vez xustificada a axuda concedida. A solicitude e tódolos trámites farase por medios electrónicos.

Enlace a ORDE: https://www.xunta.gal/dog/Publicados/2021/20210813/AnuncioG0425-040821-0001_gl.html

O 13 de agosto publícase no DOG a ORDE do 3 de agosto de 2021 pola que se establecen as bases reguladoras das axudas para facilitar a obtención dos permisos de condución clases B e C á mocidade galega, dirixidas ás persoas inscritas no Sistema nacional de garantía xuvenil no ámbito da Comunidade Autónoma de Galicia con cargo ao Programa operativo de emprego xuvenil, e se procede á súa convocatoria para o ano 2021 (código de procedemento BS321A).

Esta orde ten por obxecto establecer as bases reguladoras que rexerán as axudas para a obtención dos permisos de condución clases B e C, por parte das persoas mozas residentes en Galicia. Son axudas de concorrencia non competitiva, polo que ao esgotarse o crédito orzamentario publicarase no DOG e na web de xuventude.xunta.es e xa non se admitirán máis solicitudes.

O importe da axuda será de 400 euros para a obtención do permiso clase B e de 650 para o permiso clase C. Ditos importes poderán acumularse no caso de que a persoa solicite a axuda para ambos permisos.

Os requisitos esixidos son:

-Ter feitos os 18 anos e non esceder a idade establecida no Sistema Nacional de Garantía Xuvenil.

-Estar inscritos no Sistema de Garantía Xuvenil como beneficiario no ámbito da Comunidade Autónoma de Galicia. (https://garantiajuvenil.sepe.es/login.action?request_locale=gl)

-Estar matriculado nunha autoescola da Comunidade Autónoma de Galicia , con anterioridade a solicitude da axuda, ou en caso de obter o permiso, con data de expedición entre o 1 de xaneiro do 2021 e a da realización da solicitude.

-Estar empadroado en calqurera concello de Galicia cunha antigüidade mínima dun ano.

O prazo de solicitude é dun mes dende o día seguinte ao da publicación da Orde no DOG.

O pago da axuda producirase unha vez xustificada a axuda concedida. A solicitude e tódolos trámites farase por medios electrónicos.

Enlace a ORDE: https://www.xunta.gal/dog/Publicados/2021/20210813/AnuncioG0425-040821-0001_gl.html

Ler máis ...

ORIXE E SIGNIFICADO DOS NOMES DE LUGAR DO CONCELLO DO CORGO Novas

Un aspecto destacado do Patrimonio Cultural Inmaterial corgués é o de todo aquilo que se refire á nosa lingua propia ou vernácula. E dentro das expresións lingüísticas, o estudo dos nomes de lugar ou topónimos ocupa un lugar senlleiro. Por todo isto, o Concello do Corgo, a través do Proxecto CORGORAL, ten a ben celebrar o Día de Galicia deste ano 2021 coa publicación dun traballo clásico de referencia e de especial interese: a “Toponimia do concello do Corgo”, da autoría do esgrevio investigador Nicandro Ares Vázquez (1926-2017).

Nesta obra poderemos coñecer cales son as orixes e os significados dos topónimos corgueses que aparecen recollidos no Nomenclátor oficial da Xunta de Galicia, vixente desde o ano 2000. Nomes tan aparentemente difíciles de entender, como poden ser Abragán, Bergazo, Chamoso ou Laxosa teñen nestas páxinas a súa cumprida e pertinente explicación etimolóxica.
Desde o Proxecto CORGORAL ofrecémosvos esta significativa achega para podermos coñecer mellor o noso concello, a nosa cultura e o noso patrimonio inmaterial. Todas as persoas interesadas neste traballo podedes descargar de balde o PDF na páxina web municipal, solicitar a versión impresa enviando un correo a Este enderezo de correo está a ser protexido dos robots de correo lixo. Precisa activar o JavaScript para velo. ou poñéndovos directamente en contacto connosco no teléfono 676-862-924. Moitas grazas.

pdf Orixe e significado dos nomes de lugar do concello do Corgo (9.90 MB)

Ler máis ...

Desde hai pouco mais de unha semana, a páxina web oficial do Concello do Corgo, a través do Proxecto CORGORAL, ten aberto unha nova sección titulada “Memoria do Corgo”, coa seguinte ligazón de referencia para todas as persoas que nos queiran coñecer ou visitar virtualmente: https://www.concellodocorgo.com/index.php/corgoral.html

Neste apartado estamos a subir numerosos contidos relacionados co noso termo municipal e coas nosas parroquias, aldeas e lugares. Aínda estamos en fase de probas e certamente temos que mellorar moitas cousas, pero o que nos move é a ilusión por ofrecervos en diversos formatos imaxes, textos e gravacións en audio e vídeo que sirvan de base para conformar pouco a pouco un futuro milladoiro de lembranzas corguesas. Aquí atoparedes textos, fotos, cantigas, documentais, libros, revistas, xornais, mapas... Como dicía Castelao: “Non lle poñades chatas á obra namentres non se remata. O que pense que vai mal, que traballe nela: hai sitio para todos”.

Trátase, coma sempre, dun proxecto público, aberto e colaborativo, no que agradecemos todas as vosas achegas, ideas e opinións. Podedes enviar o que vos pareza interesante a Este enderezo de correo está a ser protexido dos robots de correo lixo. Precisa activar o JavaScript para velo. ou poñervos directamente en contacto connosco no teléfono 676-862-924. Moitas grazas.

Ler máis ...

Páxina 7 de 126

Barrio da Portela, S/N 27163
O Corgo - Lugo (Galicia)
Teléfono: 982 302 100
Fax: 982 302 068  
concello.ocorgo@eidolocal.es

Conéctate